Ballkani e ka shënuar fitoren e parë në edicionin 2026/27 në Superligën e Kosovës.
Skuadra nga Suhareka të shtunën pasdite në kuadër të xhiros së dytë e mposhti Vushtrrinë me rezultatin 2:1.
Ballkani dy golat e fitores i realizoi në pjesën e dytë.
Mesfushori me tipare sulmues, Giovanni, në minutën e 64-t e realizoi golin e parë.
Braziliani Giovanni realizoi gol të bukur nga distanca.
Albin Berisha e shënoi golin e dytë në minutën e 92-të.
Golin e vetëm për Vushtrrinë e realizoi Albijon Shurdhiqi në minutën e 94-t.
Ai shënoi supergol nga distanca.
Për Vushtrrinë që u kthye në Superligë ishte disfata e dytë radhazi.
Vushtrria në xhiron e parë u mposht edhe nga Malisheva me rezultatin e thellë 6:1.
Ndërsa edhe Ballkani në ndeshjen hapëse të edicionit të ri u mposht nga Prishtina me rezultatin 4:2.