Ballkani nuk ka lejuar befasit dhe është kualifikuar në rundin e tretë të Ligës së Konferencës. Të martën, kampioni i Kosovës mposhti Hamrunin në Maltë 2:0.
Skuadra e drejtuar nga Ilir Daja pati barazuar pa gola një javë më parë në “Zahir Pajaziti”.
Në stadiumin “Tony Bezzina”, Ballkani pati iniciativë më të madhe që nga fillimi.
Por gol nuk realizoi deri në minutën e 64-t. Walid Hamidi shfrytëzoi një gabim të portieri vendas dhe çoi topin në rrjetë.
Për ta vulosur kualifikimin u përkujdes Bernard Karrica që shënoi nga penalltia në minutën e 76-të.
Për një vend në plejof të Ligës së Konferencës, Ballkani do të luajë me Larnen e Irlandës së Veriut – ekip të cilin skuadra kosovare e eliminoi vitin e kaluar. Ndeshja e parë luhet më 8 gusht, ndërsa ajo e kthimi më 15.
Ballkani po synon ta përsërisë ecurinë historike të dy sezoneve të kaluara, kur u kualifikua në grupe të Ligës së Konferencës.
Në rundin e tretë u kualifikua edhe Drita.