Ballkani i Suharekës ka shënuar fitore të thellë në elitën e futbollit të Kosovës.
Kampioni në fuqi i Kosovës, të dielën në Suharekë, mposhti Trepçën ’89 me rezultatin 7:2.
Mbetet një prej rezultateve më të thella të këtij sezoni në elitën e futbollit kosovar.
Rezultati më i thellë është ai i xhiros së 12-të, kur Malisheva fitoi në udhëtim te Ferizaj me rezultatin 6:0.
Për Suharekasit që kanë seri prej pesë ndeshjeve pa disfatë, me tri fitore e dy barazime, serinë e golave të dielën në xhiron e 30-të, e hapi Albin Berisha që shënoi në minutën e 30-të me asistim të Albion Rrahmanit.
Për golin e ditës në Suharekë u përkujdes Lumbardh Dellova që shënoi nga gjuajtja e lirë në minutën e 36-të.
Berisha shënoi tjetër gol për vendësit në minutën e 42-të, me asistim të Armend Thaqit.
Me t’u kthyer në fushë pas pushimit, vendësit shënuan edhe shumë gola tjerë.
Fillimisht Rrahmani realizoi për 4:0 në minutën e 47-të, kurse Edvin Kuç me asistim të Thaqit sërish, shënoi në minutën e 65-të.