Gjatë seancës së sotme stërvitore, skuadra e Ballkanit kishte dy mysafirë special.
Futbollistët dhe zyrtarët e klubit nga Suhareka, u vizituan nga dy ish-lojtarët e Ballkanit, Ermal Krasniqi e Lumbardh Dellova.
Ata janë grumbulluar nga Përfaqësuesja e Kosovës për dy ndeshjet e muajit tetor ndaj lituanisë dhe Qipros, ndërsa gjetën kohë të vizitojnë shokët ku kaluan disa vite së bashku.
Dellova gjatë aftit kalimtar veror u largua nga Ballkani, për të vazhduar karrierën në Bullgari, te skuadra e Ceska Sofias, ndërsa Ermal Krasniqi aktualisht është pjesë e Sparta Pragës, pas aventurës që kishte në Rumani te skuadrat CFR Cluj dhe Rapid Bukuresht.