Jorge Messi, baba i Lionel Messit, e ka zhvilluar tashmë një takim me drejtuesit e Barcelonës.
Për këtë siguron mediumi britanik “The Mirror”.
Gjithnjë sipas këtij mediumi, takimi mes palëve ka ndodhur në ditët e kaluara, por që klubi katalunas nuk e ka bërë ende një ofertë për ta rikthyer në Spanjë kampionin e freskët të botës.
Sipas të gjitha gjasave, Messi do të largohet nga Paris Saint-Germaini në fund të këtij sezoni, kur edhe do t’i skadojë kontrata, pasi nuk duket i interesuar për të vazhduar për të luajtur në “Parkun e Princave”.
Andaj, drejtuesit e klubit katalunas po mundohen ta shfrytëzojnë rastin dhe ta rikthejnë Messin në Camp Nou, dy vjet pas largimit të tij si lojtar i lirë.
Presidenti Joan Laporta do ta shikojë mundësinë që t’ua bëjë realitet ëndrrën tifozëve të Barcelonës, një pjesë e së cilëve po e shprehin dëshirën e rikthimit të Leos në Kataluni përmes thirrjes së emrit të tij në minutën e 10-të sa herë që po luan Barça në shtëpi.