Barcelona ka mbajtur diferencën prej tetë pikëve me përcjellësin e parë, Real Madridin. Të dielën mbrëma në kuadër të xhiros së 22-të të La Ligas, Barça fitoi 2:0 ndaj Cadizit. Ndeshja u vendos në fund të pjesës së parë. Për 1:0 shënoi Sergi Roberto në minutën e 43-të.
Ky lojtar në minutën e parë të kohës shtesë në pjesën e parë asistoi për Robert Lewandowskin që shënoi për 2:0. Barcelona udhëheq në tabelë me 59 pikë.
Reali është i dyti me 51 pikë. Cadizi ka 22 pikë në vendin e 17-të.