Me gol të shënuar në minutën e 92-të, Barcelona ka fituar “El Clasicon” ndaj Real Madridit. Të dielën mbrëma, Barça fitoi 2:1, ndërsa golin e fitores e shënoi Franck Kessie në kohën shtesë. Real Madridi kaloi në epërsi që në minutën e nëntë.
Në tentim për të larguar topin, autogol shënoi Ronald Araujo. Barça u kthye në lojë në minutën e 45-të, kur shënoi Sergi Roberto për 1:1.
Në minutën e 81-të, Madridit iu anulua një gol për pozitë jashtë loje, ndërsa drama në fund i takoi Barcelonës.
Ndeshja i ka takuar xhiros së 26-të të La Ligas. Me fitore Barcelona ka bërë hap të madh drejt titullit të Spanjës. Udhëheq me 68 pikë, 12 më shumë se Real Madridi që është i dyti.