Barcelona ka qenë prej kohësh e lidhur me transferimin e lojtarit të Manchester City, Bernardo Silvba, pak a shumë që kur Xavi mori postin e trajnerit.
Sipas gazetës “Sport”, agjenti Jorge Mendes ka konfirmuar për gazetën “Record” në Portugali se Barcelona është ende e interesuar për nënshkrimin e Bernardo Silva. Mendes pretendon se katalanasit nuk e kanë harruar Silvan, i cili gjithmonë në sezon merkatoje është paraqitur si nënshkrimi i ëndrrave për Xavi.
Bernardo Silva thuhet se do të kishte qenë në gjendje të largohej nga City për 65 milionë euro verën e kaluar dhe do të lejohet të largohet për 50 milionë euro këtë verë, pasi ai dëshiron një aventurë të re.
Për Barcelonën, një marrëveshje do të jetë e mundur vetëm nëse ata do të marrin një investitor që të fillojë të paguajë për shitjen e Barca Vision dhe me një ose dy shitje të mëdha këtë verë.