Mesfushori shqiptar, Enis Bardhi, mund t’i bashkohet sulmuesit të Kosovës, Vedat Muriqi. Interesim për Bardhin ka shprehur Mallorca, që garon në elitën e futbollit spanjoll.
Bardhi aktualisht është pjesë e Trabzonsporit në Turqi, ndërsa më herët karrierë ka bërë edhe në La Liga, ku ishte pjesë e Levantes. Skuadrës turke, futbollisti i Maqedonisë së Veriut iu bashkua në verën e vitit të kaluar.
Me Trabzonin ka kontratë deri në verën e vitit 2025. Sezonin aktual në Superligën turke ka shënuar tri gola në 16 paraqitje.