Bashkimi ka shokuar Pejën në çerekfinale të Superkupës së Kosovës në basketboll. Peja ka udhëhequr deri në minutën e 39-të, por Bashkimi fitoi në fund me rezultat 73:69.
Ndeshja në Prishtinë ka përfunduar me incident. Fillimisht ka pasur hedhje të mjeteve tymosëse nga të dy palët e më pas edhe hyrje të shikuesve në parket. Ka pasur edhe përpjekje për përleshje mes tifozëve të dy skuadrave, ndërsa tifozët janë larguar nga palestra pas intervenimit të policisë.
Prentiss Nixon udhëhoqi Bashkimin me 16 pikë e 11 kërcime. Curtis Jones i kishte 17 pikë.
Te Peja u dallua Isiah Umipig me 21 pikë.
Bashkimi në gjysmëfinale luan me Trepçën.