Federata e Futbollit të Kosovës, me presidentin Agim Ademi mori pjesë në kongresin e 49-të të UEFA-s në Beograd të Serbisë.
Prania e flamurit të shtetit tonë i “kalli” serbët, madje edhe basketbollisti i njohur, Vladimir Stimac bëri një reagim në rrjetet sociale.
Edhe pse është sportist, ende jeton në ëndrra!
Ai ia lë fajin partive politike të Serbisë si SNS dhe SPS-së për praninë e Kosovës në organizatat ndërkombëtare si FIFA dhe UEFA.
“I vetmi përgjegjës për vendosjen e flamurit të Kosovës në Sava Center, në kryeqytetin e Serbisë është regjimi mafioz-tradhtar i SNS, Sps dhe sateltitëve të tyre. ‘Politika e tyre fituese’ çoi Kosovën në shumë organizata ndërkombëtare si FIFA, UEFA edhe vende tjera. Pyetja ime është, cili është rezultati mes Beogradit dhe Prishtinës. Pranuam gol, apo në vend të 5:0, tani është 10:0 për ne?”, ka shkruar ish-lojtari i shumë klubeve të njohura në basketboll
Kujtojmë që gjatë kongresit të UEFA-s, simbolet e Kosovës u larguan nga njerëz të papërgjegjshëm dhe ky akt pritet të dënohet nga shtëpia e më e madhe e futbollit në Europë, UEFA.