Trajneri i Llapit, Tahir Batatina, ka thënë se Llapi nuk ishte në ditën më të mirë në humbjen nga Prishtina në “Fadil Vokrri” të shtunën 2:0, por ka nënvizuar se Kosova e ka fituar një mbrojtës në të cilin mund të llogaritë. Ai e ka vlerësuar Ilir Krasniqin si Amir Rrahmanin e dytë të Kosovës.
“Mendoj që nuk i shfrytëzuam rastet në pjesën e parë dhe pranuam gol të lehtë. Ishim të pavëmendshëm. Djemtë bënë maksimumin. Djemtë dhanë gjithçka nga vetja por nuk ishim në ditën më të mirë. Ndoshta në pjesën e parë nuk është dashur të pranojmë gol, në mënyrë që të ishim më të qetë në pjesën e dytë”, tha fillimisht Batatina.
“Ilir Krasniqi është Amir Rrahmani i dytë i Kosovës. Nëse reprezentacioni i Kosovës ka fituar një lojtar nga Superliga, ai është Ilir Krasniqi. Respekt për ata që kanë luajtur deri tani te Kosova, por Kosova ka fituar një mbrojtës që po shkëlqen në çdo ndeshje”, është shprehur Batatina.