Mbiemri Ibrahimoviq mund të njihet në mbarë botën shkaku i Zlatan Ibrahimoviqit, por kosovari Arijon Ibrahimoviq është duke lënë gjurmë për vete.
Ibrahimoviqi nga Kosova po vazhdon përgatitjet me ekipin e parë të Bayernit, ka shkruar të premten “Bundesliga.com”.
Posa pati të drejtë për t’u përfshirë në një ndeshje të Bundesligës pasi mbushi 16-vjeç, Ibrahimoviqi ishte në mesin e zëvendësuesve në disfatën 2:1 nga Moenchengladbachu në edicionin 2021/22.
Edhe pse ende nuk ka debutuar, Ibrahimoviqi ishte disa herë në bankën rezervë, madje edhe në ndeshje të Ligës së Kampionëve.
Ai ka pasur seri prej 10 golave të realizuara në nëntë ndeshje me Bayernin U19.
Po ashtu shkëlqeu me tri gola e dy asistime në “UEFA Youth League” me bavarezët.
Tani është thuajse i gatshëm për t’u paraqitur me ekipin e parë të Bayernit.
Në Doha të Katarit, “Bundesliga.com” ka shkruar se 17-vjeçari po e mahnit trajnerin Julian Nagelsmann.