Bayerni e ka mposhtur për herë të dytë Bayer Leverkusenin për të avancuar nga një e teta e finales në Ligën e Kampionëve.
Pas fitores 3:0 në “Allianz Arena”, Bayerni të martën në Leverkusen fitoi me rezultatin 2:0. Kampioni në fuqi i Gjermanisë, Leverkuseni, ka shpresuar në mrekulli në ndeshjen e dytë, por ishte larg saj.
Ndeshja në “BayArena” u vendos në pjesën e dytë. Harry Kane shënoi për 1:0 në minutën e 52-të. Sulmuesi anglez shënoi me asistim të Joshua Kimmich.
Në minutën e 71-të golin për 2:0 e shënoi Alphonso Davies. Ai realizoi me asistim të Kanet.
Granit Xhaka e kompletoi ndeshjen në mesfushën e Leverkusenit, ndërsa u ndëshkua me karton të verdhë.
Bayerni ka tetë pikë më shumë se Leverkuseni në garën për titull në Bundesligë.