Bayern Munich e ka suspenduar yllin Sadio Mane për një ndeshje pas përleshjes që e pati në dhomën e zhveshjes me Leroy Sanen të martën mbrëma.
Kjo dyshe pati fjalosje edhe brenda dhe jashtë fushës në disfatën 3:0 të Bayernit nga Manchester City.
Ndërkohë, në zhveshtore situata ka qenë edhe më e tensionuar ndërsa u raportua se e ka qëlluar Sanen në fytyrë pas ndeshjes.
Më pas, bordi i klubit bavarez ka shkarkuar Manen dhe i ka dhuruar gjobë.
“Sadio Mane 31-vjeçar nuk do të jetë në skuadrën e Bayernit këtë të shtunë në ndeshjen në shtëpi kundër Hoffenheimit. Kjo për shkak të sjelljes së tij të keqe pas ndeshjes së Bayernit në Ligën e Kampionëve kundër Manchester Cityt. Mane po ashtu është gjobitur”, thuhet në njoftimin e Bayernit.
Mane ka 11 gola e 5 asistime në 32 ndeshje të luajtura në të gjitha garat.