Bayern Munichu është turpëruar të shtunën në Bundesligë, në ndeshjen e xhiros së 14-të.
Bavarezët pësuan disfatë të thellë 5:1 nga Eintracht Frankfurti në udhëtim.
Vendësit nisën serinë e golave që në minutën e 12-të. Për bavarezëtë është humbja e parë e edicionit aktual në elitën e futbollit gjerman.
Omar Marmoush shënoi për 1:0 fillimisht, kurse shifrat i dyfishoi Junior Dina Ebimbe në minutën e 31-të.
Pesë minuta më vonë, Hugo Larsson shënoi për 3:0.
Joshua Kimmich një minutë para fundit të pjesës së parë e ngushtoi rezultatin në 3:1.
Megjithatë, Dina Ebimbe në minutën e 50-të dhe Ansgar Knauff pas një ore lojë, shënuan edhe dy gola tjerë për fitoren e thellë, 5:1.
Frankfurti pesë gola brenda 60 minutave, Bayern Munichut i kishte shënuar në Bundesligë edhe në fitoren 6:0 në vitin 1975. Pra, e ka barazuar rekordin e vet.
Bavarezët bëjnë hap të gabuar në luftën për titull kampioni. Pas 13 ndeshjeve të luajtura kanë 32 pikë.
Frankfurti në pozitën e shtatë në tabelë ka grumbulluar 21 pikë gjithsej, në 14 ndeshje.