Një befasi e madhe ka ndodhur sot në Kupën e Kosovës në futboll, pasi skuadra e Ligës së Parë, Rilindja 1974 e ka eliminuar fituesin në fuqi, Ballkanin.
As kush nuk kishte pritur që Ballkani do të eliminohet në rrethin e parë por ja që kjo ndodhi, duke shkaktuar reagime interesante nga komuniteti i futbollit, shkruan Ballkani.info.
Padyshim paksa më i çuditshëm ishte ai i trajnerit të KF Dukagjinit, Ismet Munishi që e ka vendosur në profilin e tij në Facebook, Faruk Statovcin.
Ajo që është e paqartë, është nëse Munishi i është gëzuar suksesit të Faruk Statovcit apo eliminimit të FC Ballkanit.
Të kujtojmë që më herët Munishi ka qenë trajner te Ballkani, ku u shkarkua nga detyra.
