Sulmuesi i Real Madridit, Karim Benzema, është njëri prej shumë sportistëve profesionistë që i përmbahet agjërimit gjatë muajit të madhërishëm të Ramazanit.
Këtë vit, Ramazani ka nisur muajin e shkuar, më datën 22 mars dhe do të përfundojë më 21 prill. Sportistët që i përmbahen agjërimit nuk guxojnë të ushqehen apo të pinë ujë gjatë ditës, saktësisht prej lindjes së diellit deri në perëndimin e tij.
Kamerat e kanë kapur disa herë Benzeman se si në stërvitje dhe ndeshje e fut ujin në gojë, por e nxjerr jashtë menjëherë në mënyrë që mos ta prishë agjërimin e tij.
E këtë veprim, Benzema e ka bërë edhe në stërvitjen e së martës me Real Madridin.
Prejse ka filluar Ramazani, Benzema ka luajtur tri ndeshje për Real Madridin dhe ka shënuar gjashtë gola – tri kundër Valladolidit dhe tri kundër Barcelonas.
Ai do të jetë titullar te Reali në ndeshjen e parë gjysmëfinale kundër Chelseat, që zhvillohet të mërkurën prej orës 21:00 në stadiumin “Santiago Bernabeu” në Madrid.
Karim Benzema observes Ramadan fasting in training ☪️ pic.twitter.com/wsdAPE7IPs
— GOAL (@goal) April 11, 2023