Sulmuesi Karim Benzema pritet që gjatë kësaj jave ta mësojë të ardhmen e tij, e cila duket se përfundimisht nuk do të jetë te skuadra saudite, Al-Ittihad. Mediumet e huaja kanë raportuar të hënën se negociatat mes Benzemas dhe klubit saudit për shkëputjen e kontratës do të vazhdojnë edhe këtë javë. Benzema nuk ka raporte të mira me klubin dhe po dëshiron të largohet, ndërsa tek Al-Ittihadi nuk janë të kënaqur me sjelljet e tij.
Mësohet se situata është e tensionuar mes palëve, me Benzeman që po insiston në kthimin e tij në Evropë.
Skuadrat si Lyoni, Arsenali e Chelsea tashmë kanë shprehur interesim për francezin 36-vjeçar, i cili ka kontratë me ekipin saudit deri në vitin 2026. Ai verën e shkuar u transferua tek Al-Itthadi, ekip për të cilin ka shënuar 12 gola në 20 ndeshje.