Zurichu ka shënuar fitore me rezultat 2-1 në udhëtim ndaj Lausannes në kuadër të javës së tretë në elitën e futbollit zviceran.
Në mesin e golashënuesve për mysafirët ishte edhe mesfushori kosovar Bledian Krasniqi.
Krasniqi realizoi golin e epërsisë për Zurichun në minutën e 24-të të sfidës për rezultatin 1-0.
Ky ishte goli i parë i Krasniqit në këtë edicion të ri të garave teksa ka edhe një asistim.
Në këtë ndeshje për Zurichun për 90 minuta u paraqit edhe Lindrit Kamberi ndërsa tek Lausanne në pjesën e dytë u inkuadrua sulmuesi Alban Ajdini.
Pas tri xhirove të para në Superligën e Zvicrës, Zurichu renditet e shtata në tabelën e klasifikimit me katër pikë të grumbulluara.