Superylli i boksit Vasyl Lomachenko është rikthyer në mënyrë triumfale pas një pauze dhjetëmuajshe.
Lomachenko triumfoi ndaj amerikanit Jermaine Ortiz me vendim unanim pas 12 raundeve në një meç të kategorisë së lehtë që u zhvillua në “Madison Square Garden” të New Yorkut.
Anëtarët e jurisë e vlerësuan luftën 116:112, 117:111 dhe 115:113 në favor të ukrainasit Lomachenko.
Për të është fitorja e 17-të (11 KO) karshi dy humbje. Amerikani Ortiz ka pësuar humbjen e parë pas 16 fitoreve e një barazimi.
Për Lomachenkon është meçi i parë që nga dhjetori i vitit të kaluar.
Pas fitores Lomachenko është shprehur i gatshëm të përballet me kampionin e padiskutueshëm të botës në peshën e lehtë Devin Haney.