Ylli slloven Luka Donçiq ka mahnitur botën e basketbollit me ndeshjen e sotme. Në fitoren 126:121 të Dallas Mavericks kundër New York Knicks, Donçiq u bë basketbollisti i parë në historinë e NBA që shënoi 60 pikë, pati 21 kërcime dhe 10 asistime. 60 pikët e tij janë më së shumti në historinë e Mavericksit, ndeshja me më shumë pikë e Donçiqit në karrierën e tij profesionale, por edhe shumë, shumë më tepër.
Veçanërisht mbresëlënëse ka qenë fundi i ndeshjes në pjesën e rregullt për ta barazuar rezultatin 115:115. Donçiqi humbi qëllimisht gjuajtjen e lirë në sekondat e fundit, e kapi topi dhe shënoi për ta çuar ndeshjen në shtesë.
“Jam lodhur. Me jepni një birrë të rikuperohem”, ka thënë Donçiq pas performancës historike.
E gjithë bota e basketbollit dhe jo vetëm e admiroi sllovenin. Yjet e NBA dhe Hall of Famers gjithashtu patën lëvdata për punën e Donçiqit.
“Do të ketë një monument të ri në Dallas. Luka është ashtu”, ka shkruar ish-basketbollisti Kevin Garnett.
“Kam luajtur me shumë Hall of Famers dhe kam parë shumë performanca të mrekullueshme, por çfarë përjetova nga Luka Donçiq ishte një nga performancat individuale më të mrekullueshme që unë kam parë në jetën time”, ka shkruar Kendrick Perkins.
“60/20/10? Kjo nuk është normale”, ka shkruar ish-bashkëlojtari i Donçiqit, Kritaps Porzingis.
Reagimet për 23-vjeçarin ishin të panumërt. Të gjithë po e vlerësonin paraqitjen e Donçiqit.
Është rrugës për t’u bërë i vetmi basketbollist me Michael Jordanin që kanë arritur mesatarisht 32 pikë, 8 kërcime e 8 asistime në një sezon.
"I thought we won."
— ClutchPoints (@ClutchPointsApp) December 28, 2022
Luka Doncic on dancing after his regulation putback, then realizing he had to play overtime 😅pic.twitter.com/LEqI9sqCUG