Zhgënjim i madh në Brazil, për eliminimin e kombëtares jeshile dhe të artë nga Copa America në çerekfinale ndaj Uruguait.
Një nokaut që erdhi pa Vinicius, jashtë për shkak të skualifikimit. Asi i Real Madridit iu rikthye këtij eliminimi, me një postim në profilin e tij në Instagram: “Kupa e Amerikës ka mbaruar dhe është koha për të reflektuar, për të ditur si ta përballojmë humbjen.
Ndjenja e zhgënjimit rritet përsëri sidomos me penallti. Arrita të marr dy kartonë të verdhë dhe e pashë sërish nga jashtë ndeshjen, por këtë herë unë kërkoj falje dhe di te degjoj edhe kritikat më të ashpra, më besoni, sepse vijnë nga brenda.
Fatmirësisht, rrugëtimi im me kombëtaren sapo ka nisur. Së bashku me shokët e skuadrës do të kem mundësinë ta rikthejmë ekipin tonë në vendin që meriton. DO TË KTHEHEM NË KRYESË! TE DUA DHE JEMI BASHK!”.