Entuziazmi është pothuajse unanim, mes futbollistëve brazilianë ende aktivë dhe jo, për shpalljen e Carlo Ancelottit në krye të ‘Selecaos’ nga viti 2024.
“Ai është një trajner i shkëlqyer, një mik i madh dhe mendoj se do të sjellë shumë, sepse ai ka shumë përvojë”,- ka komentuar Ronaldinho Gaúcho, i trajnuar nga 64-vjeçari italian kur ai ishte ende në Milan.
“Ancelotti ka fituar gjithçka. Pra, ai me siguri do të na mësojë shumë”, nënvizon Neymar nga ana e tij. Rodrygo, Vinicius Jr dhe Eder Militão, aktualisht nën drejtimin e Ancelottit te Real Madrid, i bëjnë jehonë atij: “Kudo që të arrijë, ai fiton, – tha Rodrygo. – Ai gjithashtu mund të sjellë suksesin e tij në ekipin kombëtar. Ne e dimë se kombëtarja duhet fitoni gjithmonë”.
Richarlison po ashtu, mezi pret ta shikojë atë si teknik. Numri ‘9’ i Selecaos tha se ai u bë një “fenomen” nga duart e Ancelottit kur drejtoi Evertonin në Angli. “Ai më ndihmoi shumë atje te Everton, fillova të shënoja pa pushim. U bëra shoku i tij,”- tha ai. “Më çoi në shtëpi, tashmë ndihesha si djali i tij”,- shtoi ‘Pombo’.