Nikoqiri i Kupës së Afrikës, Bregu i Fildishtë, ka dështuar që ta sjellë në formë “huazimi” përzgjedhësin Herve Renard, nga ekipi përfaqësues i futbollisteve të Francës.
Renardi udhëhoqi Bregun e Fildishtë në triumfin e Kupës së Afrikës në vitin 2015.
I kërkoi sërish shërbimet e tij pasi e shkarkoi përzgjedhësin Jean-Louis Gasset të mërkurën.
Megjithatë, bisedimet me Federatën e Futbollit të Francës për huazimin e mundshëm të Renardit, kanë dështuar të enjten mbrëma.
“Negociatat nuk janë mbyllur me sukses. Do ta doja rikthimin, por fati nuk deshi që të kthehem”, ka thënë 55-vjeçari Renard për “Canal Plus”.
Bregu i Fildishtë dështoi ta siguronte kualifikimin direkt në fazën nokaut pas disfatës 4:0 nga Guinea Ekuatoriale në ndeshjen e fundit të grupit të hënën.
Megjithatë, u kualifikua tutje si një prej katër skuadrave më të mira të vendit të tretë.
Bregu i Fildishtë e siguroi kalimin në fazën nokaut të mërkurën, pas shkarkimit të Gassetit.
Kjo u arrit pas fitores së Marokut ndaj Zambisë.
Përzgjedhësi i përkohshëm, Emerse Fae, pritet ta drejtojë ekipin për ndeshjet e mbetura.
Të hënën, Bregu i Fildishtë luan kundër Senegalit.