Armando Broja e ka cilësuar vitin 2022 si më të vështirin në jetën e tij.
Por, sulmuesi shqiptar tha se është i sigurt se do të kthehet edhe më i fortë.
Broja, që pësoi një lëndim të rëndë në gju dhe iu nënshtrua operacionit, humbi sezonin dhe nuk do e shohim në aksion deri në sezonin e ardhshëm.
21-vjeçari ka falënderuar gjithashtu të gjithë për mbështetjen, për të cilën tha se i nevojitet në këto kohë.
“Ndoshta viti më i vështirë i jetës sime deri më sot. E bukura e kësaj bote është se gjithmonë ka shanse dhe mundësi që ju presin në të ardhmen. Nuk jam aspak perfekt si person apo lojtar, por përpiqem të jem versioni më i mirë i vetes çdo ditë për njerëzit që më interesojnë më shumë, por edhe për njerëzit që më shikojnë dhe njerëzit që presin më shumë nga unë. Kam gëzim dhe lumturi në fushën e futbollit dhe jam mjaft me fat dhe mirënjohës që mund ta ndaj çdo ditë me ju djema. Padyshim që më lëndon shumë që nuk mund të bëj punën ose sportin që ju pëlqen për një periudhë të gjatë kohore është gjithmonë e vështirë për t’u pranuar, por me njerëz të mirë rreth meje dhe ata pak njerëz që e bënë këtë vit më të mirë për mua, unë do të kthehem dhe më mirë jam 100% i sigurt për këtë. Edhe një herë dua të them faleminderit për mbështetjen dhe dashurinë tuaj, kjo më ndihmon gjithmonë në kohë si këto”.