Mesfushori Marcelo Brozoviq ka vendosur të largohet nga Interi në fund të këtij edicioni.
“Calciomercato” bën të ditur të premten se kroati do ta vazhdojë karrierën në Premier League.
Mësohet se sezonin tjetër, Brozoviq do të jetë pjesë e Liverpoolit, pasi tashmë ka pranuar ofertën e ekipit anglez.
Ai ka njoftuar Interin për vendimin e tij dhe klubi italian po pret ofertën zyrtare nga Liverpooli.
29-vjeçari ka kontratë me Interin deri në vitin 2026, ndërsa kartoni i tij vlerësohet 40 milionë euro.
Brozoviq, i cili është pjesë e Interit prej vitit 2018, këtë edicion ka dy gola në nëntë paraqitje.