Hakan Calhanoglu nuk do të largohet nga Interi këtë verë, por do të mbetet pjesë e ekipit italian edhe për disa vjet të tjerë. “Calciomercato” ka shkruar të mërkurën se mesfushori ka arritur marrëveshje me Interin për rinovimin e kontratës, e cila do të bëhet zyrtare brenda këtij muaji.
Me rinovimin e kontratës që i skadon këtë verë, Calhanoglu do të jetë pjesë e Interit deri në verën e vitit 2027. Turku 29-vjeçar është njëri prej lojtarëve më të rëndësishëm këtë edicion të Interit, ekip që ka siguruar finalen e Ligës së Kampionëve.
Në 45 ndeshje të luajtura në të gjitha garat deri më tani, Calhanoglu ka shënuar 4 gola dhe ka bërë 8 asistime. Ai është pjesë e Interit prej vitit 2021 kur iu bashkua si lojtar i lirë.