Mesfushori turk, Hakan Çalhanoglu ka reaguar për herë të parë pas deklaratave të Lautaro Martinezit.
Argjentinasi ishte shprehur i revoltuar pas humbjes 0-2 ndaj Fluminenses, duke thënë qartë se ata që nuk duan të qëndrojnë në klub duhet të largohen.
Presidenti i Interit, Beppe Marotta, konfirmoi se Lautaro iu referua Çalhanoglut, duke trazuar ujërat brenda kampit zikaltër.
Kjo bëri turkun të reagonte në një postim në Instagram, duke thënë se nuk e kam tradhtuar kurrë këtë fanellë.
“Pas dëmtimit që pësova në finalen e Ligës së Kampionëve, vendosëm që unë të udhëtoja me ekipin për në SHBA. Të qenit atje, të mbështesja djemtë edhe pse nuk mund të luaja kishte shumë rëndësi për mua”, shkroi fillimisht Calhanoglu në Instagram.
“Fatkeqësisht, gjatë stërvitjes në SHBA, pësova një tjetër dëmtim në një zonë krejtësisht tjetër. Diagnoza: dëmtim muskulare”.
“Lëndimi e bëri të pamundur që unë të isha në fushë gjatë këtij turneu. Nuk ka asnjë arsye tjetër, asgjë më shumë pas kësaj”.