Kevin Campbell e ka mbështetur mendimin që Arsenali duhet ta mbajë Granit Xhakën edhe pas këtij sezoni.
Megjithatë, ish-futbollisti i Arsenalit, Campbell, ka pranuar në emisionin “Highbury Squad” se ka dashur që Xhaka të largohej në periudhën kur mesfushori shqiptar i Zvicrës nuk gjente rehati në skuadër.
Tani Xhaka është kthyer në një prej lojtarëve kryesorë në mesfushën e trajnerit Mikel Arteta dhe ka dhënë kontribut të madh që Arsenali kryeson në Premier League.
“E dini çfarë mendoj për këtë. Kam dashur që ai të largohej. Por, këtë sezon ai ka qenë fenomenal. Ai ende është duke mësuar si 30-vjeçar, por na është dashur Granit Xhaka kaq shumë këtë sezon”, ka thënë Campbell.