Edinson Cavani ka folur për kohën e kaluar te Manchester Unitedi, në veçanti për Cristiano Ronaldon.
Të dy futbollistët ishin pjesë e “Djajve të Kuq” në sezonin e kaluar. Uruguaiani u largua verën e këtij viti drejt Valencias, teksa portugezi vazhdon të jetë pjesë e skuadrës angleze.
Së fundmi, Cavani ka folur për këtë kohë – teksa Ronaldon e vlerësoi lartë.
“Si keni komunikuar me Ronaldon? Shumë mirë. Kemi folur shumë, kemi ngrënë disa darka së bashku, kemi ndarë mendimet tona për futbollin. Kemi histori të ndryshme jete, por të dy u ngritëm nga fundi. Kur kjo ndodh, kur bëni kaq shumë përpjekje për të, mësoni shumë”, tha ai.
“Ne kishim një ideologji të ngjashme të jetës. Ai është një djalë normal, shumë më i ngrohtë kur i afrohesh. Ai gjithmonë mendon për punën dhe për të mbajtur një nivel, i zhytur në të gjitha detajet”, shtoi 35-vjeçari.
“A të përmirëson apo kufizon të luash pranë tij? Ai më bëri më të fortë. Plus ai është më i vjetër se unë. Njerëzit thonë të gjitha llojet e gjërave për të, se ai mund të veprojë më mirë ose më keq, por unë marr gjërat e mira. Është e njëjta gjë në futboll. Mësova diçka nga qëndrimi i tij, përgatitja e tij”, deklaro Cavani.