Krerët e Chelseat nuk kanë arritur marrëveshje me mesfushorin Jorginho për rinovimin e kontratës.
“Sky Sports” ka raportuar të martën se marrëveshja mes palëve ka dështuar dhe Jorginho do të largohet në fund të sezonit si lojtar i lirë. Bëhet e ditur se Jorginho nuk ka qenë aspak i kënaqur me ofertën e Chelseat për rinovimin e kontratës që i skadon në verën e vitit të ardhshëm.
Thuhet se Chelsea i kishte ofruar pagë javore prej 120 mijë funteve, por Jorginho për ta rinovuar kontratën ka kërkuar 150 mijë funte në javë. Pasi Chelsea ka refuzuar një pagë të tillë, Jorginho ka bërë të ditur se ky do të jetë edicioni i tij i fundit në “Stamford Bridge”. 30-vjeçari është pjesë e Chelseat prej vitit 2018 kur iu bashkua nga Napoli, ndërsa këtë edicion ka dy gola në 13 paraqitje në të gjitha garat.