Chelsea e ka fituar thellë ndeshjen e fundit të fazës së ligës, në Ligën e Konferencës.
Chelsea të enjten fitoi 5:1 ndaj Shamrock Rovers të Republikës së Irlandës.
Spanjolli 18-vjeçar, Marc Guiu, shënoi “hat-trick” për Chelsean, ndërsa Kiernan Dewsbury-Hall dhe Marc Cucurella, i shënuan dy golat tjerë për “blutë”.
Golin e vetëm për mysafirët e realizoi Markus Poom.
Chelsea me këtë fitore e mbyll fazën e ligës me gjashtë fitore në po aq ndeshje të luajtura, me 26 gola të shënuar e pesë të pranuar.
Në vendin e parë ka 18 pikë dhe avancon në 1/8 e finales së Ligës së Konferencës.