Chelsea e ka fituar në fund superndeshjen ndaj West Ham Unitedit me përmbysje të rezultatit 3:2.
West Hami e mbylli pjesën e parë në epërsi prej dy golave ndaj Chelseat.
Jarrod Bowen e kaloi në epërsi West Hamin në minutën e shtatë. Shifrat i dyfishoi Crysencio Summerville në minutën e 36-të.
Chelsea shkëlqeu në pjesën e dytë duke i realizuar tre gola për përmbysjen e madhe.
Joao Pedro e ngushtoi rezultatin në 2:1 në minutën e 57-të. Rezultatin në 2:2 e barazoi Marc Cucurella në minutën e 70-të. Dhe goli i Enzo Fernandezit në minutën e 92-të ia siguroi fitoren Chelseat.
Në sekondat e fundit kishte tensione të ashpra mes dy skuadrave ku direkt me karton të kuq u ndëshkua mbrojtësi i West Hamit, Jean-Clair Todibo.
Chelsea është lartë në tabelë me 40 pikë. West Hami mbetet në pozitën e 18-të me 20 pikë.