Chelsea është gati të bëjë të pamundurën për t’i siguruar shërbimet e sulmuesit Neymar në fund të këtij sezoni. “Le Parisien” ka raportuar të enjten se Chelsea tashmë ka kontaktuar drejtuesit e Paris Saint-Germainit në lidhje me Neymarin, i cili pritet të largohet në fund të sezonit.
Te Parisi janë të gatshëm ta shesin Neymarin në verë dhe për kartonin e tij po kërkojnë rreth 60 milionë euro. Braziliani te Chelsea po shihet si përforcim i madh për sezonin e ri dhe ekipi nga Londra është gati ta paguajë shumën e kërkuar nga Parisi.
Neymari ka kontratë me Parisin deri në vitin 2025, me opsionin e vazhdimit edhe për një vit tjetër, ndërsa këtë sezon ka 17 gola e 16 asistime në të gjitha garat.