Klubet e Premierligës angleze shpenzuan një rekord prej 815 milionë funte në afatin kalimtar të dimrit, sipas rezultateve të analizës së kompanisë së auditimit Deloitte Sports Business Group.
Klubi që shpenzoi më së shumti ishte Chelsea që shpenzoi 37 për qind të totalit, që është më shumë se shpenzimet e kombinuara të të gjitha klubeve në Bundesliga, LaLiga, Serie A dhe Ligue 1.
Klubi londinez, aktualisht i dhjeti në tabelë, vendosi një rekord britanik prej 121 milionë euro për argjentinasin Enzo Fernandez, të cilin e sollën nga Benfica në ditën e fundit të afatit kalimtar.“Klubet e Premier League kanë shpenzuar pothuajse katër herë më shumë se klubet e tjera në pesë ligat më të mira në këtë merkato transferimi”, tha Tim Bridge, partneri kryesor në Deloitte Sports Business Group.