Chelsea ka transferuar talentin 19-vjeçar francez Malo Gusto nga Lyoni për 35 milionë euro.
Gusto ka firmosur kontratë deri në verën e vitit 2030. Ndonëse ka kompletuar transferimin te klubi londinez, ai do të qëndrojë te Lyoni deri në fund të stinorit.
“Mbrojtësi do të vazhdojë të qëndrojë në formë huazimi te Lyoni, ku po bën përparim impresiv, para se t’i bashkohet të kaltërve këtë verë”, thuhet në komunikatë të Chelseat.
Gusto është produkt i akademisë së Lyonit.
Chelsea në janar ka transferuar Noni Madueken, Mykhailo Mudrykun, David Datro Fofanan, Andrey Santosin dhe Benoit Badishelen, ndërsa e huazoi edhe Joao Felixin nga Atletico Madridi.