Chelsea fitoi me rezultatin 1-0 derbin e Londrës përballë Fulham. Heroi i ndeshjes për skuadrën e drejtuar nga trajneri Mauricio Pochetino ishte Cole Palmer që në minutat shtesë të pjesës së parë, shndërroi në gol një 11-metërsh të fituar nga ana e Sterling.
Për Chelsean si titullar e nisi këtë ndeshje Armando Broja.
Sulmuesi i kombëtare shqiptare provoi në disa momente të rrezikonte portën kundërshtare, por nuk ia doli me sukses që të gjente rrugën e rrjetës.
Tekniku Pochetino vendosi ta zëvendësonte Brojën në minutën e 66. Pas kësaj fitoreje, Chelsean ngjitet në kuotën e 31 pikëve në vend të tetë, ndërsa nga ana tjetër, Fulham mbetet në vendin e 13 me 24 pikë.