Manchester City po planifikon për një lëvizje shokuese për të riun më premtues të Europës, me klubin që po tenton ta shpëtojë sezonin me një transferim në janar.
Skuadra e Pep Guardiolas është në një formë të tmerrshme kohëve të fundit, duke pësuar gjashtë disfata në shtatë ndeshjet e fundit.
Si pasojë, kampioni aktual i Premierligës zë pozitën e pestë në tabelën e elitës angleze derisa është i 17-ti në Ligën e Kampionëve.
Djelmoshat e Guardiolas janë 11 pikë larg Liverpoolit që kryeson ligën, mirëpo kanë mbetur edhe 25 ndeshje të ligës, në të cilat City mund ta shpëtojë sezonin.
Megjithatë, për ta ‘përmirësuar’ fatin e tij, Cityt i duhet të sjellë përforcime në janar, me mesfushën që është një zonë e caktuar ku ka nevojë për freski, pasi Rodri nuk do të jetë i qasshëm më për këtë edicion.
Sipas mediumit anglez Express, Guardiola është i gatshëm të hyjë në një ‘luftë’ me klubet tjera për të siguruar shërbimet e lojtarit që mund të kushtojë 200 milionë paundë.
City e ka skuadrën e dytë më të vjetër në elitë, dhe trajneri spanjoll e ka përmendur se dëshiron të rindërtojë skuadrën, pas humbjes 2-0 nga Liverpooli në “Anfield”.
“Nuk dua t ëiki, dua të jem këtu dhe të rindërtoj ekipin në shumë aspekte, qysh tani e deri në fund të sezoni, e po ashtu edhe sezonin tjetër”, ka thënë Guardiola.
Disa mesfushorë janë lidhur me një kalim te City, duke nisur nga Martin Zubimendi, Ederson i Atalantas e deri te Adam Wharton i Crystal Palacet, sipas Mail.
Por, City nuk është fokusuar vetëm te një numër “6” në mesfushë.
Kevin De Bruyne është duke vuajtur shkaku i lëndimeve në këto vitet e fundit, dhe me lojtarin që së shpejti feston ditëlindjen e 34-të, ndoshta është koha për një fytyrë të re në skuadër.
Raportimi i The Mail shton më tutje, duke thënë se mesfushori sulmues i Gjermanisë dhe Bayer Leverkusenit, Florian Wirtz mund të jetë “nënshkrimi i ëndrrave” për Guardiolan.
Wirtz ishte ylli i Leverkusenit, kur ky i fundit e fitoi Bundesligan dhe Kupën e Gjermanisë sezonin e kaluar.
I riu ishte pjesë e Gjermanisë edhe në EURO 2024, derisa po e vazhdon formën e mirë edhe këtë edicion, duke marrë pjesë në 14 gola në 20 paraqitje.
Kontrata aktuale e lojtarit gjerman me kampionin e Bundesligas përfundon në qershor të vitit 2027, me Leverkusenin që kërkon 150 milionë euro për shërbimet e tij, raporton The Athletic.