Milot Rashica ka zhvilluar një paraqitje fantastike sot në derbin ndaj Besiktasit që Galatasaray e fitoi me rezultat 2-1.
Nga këmbët e Milot Rashicës nisi aksioni i golit të jashtëzakonshëm që u shënua nga Icardi në minutën e 18-të për 1-0.
Rashica pati edhe disa aksione tjera të mira në lojë. Paraqitjet e fundit të sulmuesit kosovar dhe veçanërisht kjo e fundit kanë bërë që tifozët turkë të çmendën pas tij, përcjell Futbollikosovar.net.
Mijëra shkrime janë bërë në rrjetet e ndryshme sociale, ku i kanë kërkuar klubit të tyre që të mos e lejojë që Rashica të largohet.
Kështu ka shkruar tifozi turk Ozan në twitter, por njëjtë si ai kanë shprehur qëndrime edhe një varg tifozësh të klubit.
Rashica deri tani ka bërë gjashtë paraqitje në kampionatin turk ku ka realizuar edhe një asist. Ndërkaq në tre ndeshjet e fundit ka luajtur si startues. Me fitoren e sotme Galatasaray kaloi në pozitën e 2-të në klasifikim me 24 pikë.