Suksesi më i madh i Kombëtares marokene të futbollit shkaktoi entuziazëm te të gjithë tifozët e vendit afrikan dhe kjo vlen veçanërisht për reporterin që ishte i pranishëm në Katar.
Pas gjuajtjes së penalltive, Maroku eliminoi në mënyrë sensacionale Spanjën dhe kaloi në çerekfinale të Kupës së Botës. Ky është një sukses historik i kësaj kombëtareje afrikane, pasi asnjëherë më parë nuk ka arritur deri në këtë pikë të Botërorit.
Ishte e vështirë të ndiqeshin penalltitë për një gazetar maroken që ndodhej në Doha, por kur kombëtarja e tij arriti suksesin, pasoi një festë e madhe.
Gazetari as që dinte si të festonte. Ai bërtiti nga lumturia dhe më pas në një moment qau. Kur filluan lotët e gëzimit, ai uli kokën dhe u përpoq të fshihte emocionet.
Ndryshe, Maroku të shtunën ka shansin të rishkruajë historinë dhe të arrijë një rezultat edhe më të mirë. Rivale në luftën për gjysmëfinale të Kupës së Botës do të jetë Portugalia, e cila mposhti Zvicrën (6-1).
The Moroccan reporter behind us here has gone absolutely nuts. Only football does this. Amazing pic.twitter.com/JqSaXG3Wd5
— tariq panja (@tariqpanja) December 6, 2022