Ndeshjet e fundit për eliminatoret e botërorit 2026 për zonën e Amerikës së Jugut janë shoqëruar me akte dhune në tribunat e stadiumeve. Duke ditur antagonizmin dhe rivalitetin mes dy shteteve, deri diku pritej përplasja mes tifozërive në ndeshjen Brazil-Argjentinë.
Por e çuditshme ishte ajo që ndodhi në përfundim të ndeshjes Peru-Venezuela.
Takimi i zhvilluar në kryeqytetin peruan të Limas u mbyll në barazim 1-1, ku për Perunë shënoi Yotu, ndërsa për Venezuelën realizoi Savarino. Ajo që nddohi pas ndeshjes e la në hije produktin e fushës mes dy ekipeve, pasi policia peruane sulmoi në mënyrë të befasishme lojtarët e Venezuelës që kishin shkuar të përshëndeteshin te tribuna e tifozëve të tyre.
Pas vërshëllimës përfundimtare futbollistët e Venezuelës shkaun te tifozët e tyre për t’i duartrokitur dhe falënderuar, si dhe për t’u dhuruar fanellat e lojës. Por në mënyrë të befasishme, ku nuk kishte asnjë incident, policia peruane formoi një kordon për të parandaluar lojtarët të festonin afër me tifozët venezuelas. Menjëherë u u nxeh situata dhe pas shkëmbimit të fjalëve, policia u hodh në sulm duke goditur lojtarët e Venezuelës me shkopinj gome.