Dueli i përjetshëm që ka shoqëruar për shumë vite futbollin ndërkombëtar mes Cristiano Ronaldo-s dhe Lionel Messi-t është pasuruar në këto orë me një kapitull të ri.
Në fakt, sipas të përditshmes spanjolle El Mundo Deportivo, është zbuluar arsyeja, ose një nga arsyet, që kanë shtyrë portugezin të largohet nga Real Madrid në 2018-ën.
Nga sa mësohet nga media, CR7 ishte i fiksuar nga rroga e rivalit argjentinas dhe, një ditë, në një bisedë të shkurtër që ka pasur me Josep Maria Bartomeu, ishpresident i Barcelona-s, ka marrë një informacion që duket se ka qenë shumë I “dhimbshëm” për të.
Gazeta spanjolle ka zbuluar një bisedë të zhvilluar mes CR7 dhe ish-presidentin blaugrana gjatë një ceremonie. Cristiano Ronaldo duket se ka kërkuar më shumë informacione mbi rrogën e Messi-t, para se të zbulonte se ishte pothuajse dyfishi I rrogës së tij.
Një zbulim që duket se e ka shtyrë Ronaldo-n, pak muaj më vonë, që të largohej nga Real Madrid për t’u transferuar tek Juventus-i. E vështirë të dihet sa e vërtetë është kjo prapaskenë. Mbase të interesuarit direkt do të flasin në ditët e ardhshme.