Sulmuesi portugez, Cristiano Ronaldo ka fituar një tjetër titull të rekordeve botërore Guinness, si sportisti me fitimet më të larta në vitin 2023. 38-vjeçari vlerësohet të ketë fituar 125 milionë euro në 12 muajt e fundit deri më 1 maj 2023.
Ai ia merr titullin Lionel Messi-t, i cili ishte sportisti më i paguar i vitit 2022, me rreth 120 milionë euro kur ai ishte ende pjesë e Paris Saint Germain. Të ardhurat rekord të superyllit të Al Nassr përbëhen nga 41 milionë euro fitime në fushë dhe 80 milionë euro nga marrëveshjet e tjera jashtë fushës.
Pesë herë fituesi i Topit të Artë u transferua në skuadrën e Superligës së Arabisë Saudite pas largimit nga Manchester United. Ai ka kontratë deri në vitin 2025 dhe është në një marrëveshje jashtëzakonisht fitimprurëse në Al Nassr, pasi merr një pagë prej 200 milionë eurosh, duke fituar rreth 4.5 milionë euro në javë.