Mirlind Daku e ka shënuar golin e vetëm për Rubin Kazanin që të shtunën pësoi disfatë të thellë nga CSKA Moska.
Rubin Kazani u mposht në udhëtim me rezultatin 5:1.
Kjo ndeshje i takoi javës së katërt të Premier Leagues së Rusisë.
Daku golin e realizoi në minutën e 40-të. Ai u paraqit deri në minutën e 85-të.
Ndërkohë bashkëlojtarët e Dakut, Dardan Shabanhaxhaj dhe Veldin Hoxha, luajtën deri në minutën e 74-t.
Për 27-vjeçarin Daku ky ishte goli i pestë këtë edicion në të gjitha garat. Ka kontribuar edhe me një asistim.
Pas katër xhirove, Rubin Kazani ka shtatë pikë dhe renditet në pozitën e pestë.