Joao Felix mund të quhet lojtar i Chelseat, pasi gjithçka është përfunduar me Atletico Madridin dhe lojtarin.
Sipas asaj që raporton eksperti i transferimeve – Fabrizio Romano, portugezi do të prezantohet brenda 24-48 orëve të ardhshme te klubi londinez.
Por, duke ofruar detaje më të hollësishme, Felix do të jetë i huazuar te Chelsea vetëm deri në qershor.
Më më shumë, sulmuesi do të nënshkruajë kontratë të re me Atleticon deri në vitin 2027 dhe më pas do të shkojë për në Londër.
Chelsea do të mbulojë tërë pagën e tij për gjashtë muajt e ardhshëm, derisa lojtari do të niset në orët e ardhshme për t’i kompletuar testet mjekësore.