Selektori i Kroacisë, Zlatko Daliq e ka vlerësuar të drejtë rezultatin e ndeshjes me Argjentinën. Argjentina fitoi 3:0 për të zënë vend në finale.
“E uroj Argjentinën për kalimin në finale. Nuk mund t’u them asgjë lojtarëve të mi. Kemi pasur kontrollin në gjysmë orën e parë, ndërsa më pas pranuam gol pas asaj penalltie. Ndonjëherë fati të ndihmon, ndonjëherë të kthehet në mënyrë tjetër. Sa e kam kuptuar, djemtë kanë reaguar për korner. Nga ai aksion kemi pranuar golin. Por e kemi humbur ndeshjen dhe nuk kam çka të ankohem. Duhet të përgatitemi për ndeshjen që na pret. Ne kemi krijuar situata të mira, por nuk ishim konkret. Të gjitha i kemi përgatitur, por na ka munguar një sulmues i vërtetë. Kemi dashur të fitojmë thellësinë me Orshiqin, por kemi pranuar edhe një gol. Humbje e merituar. Por sikur të na pranonte dikush këtë para Kupës së Botës do ta pranonim menjëherë. Shkojmë në luftë për vendin e tretë”, ka thënë Daliq për HRT.
Kroacia të shtunën do ta luajë ndeshjen për vendin e tretë.