Ish-ndërkombëtari brazilian, i cili kaloi një vit në paraburgim, akuzohet për përdhunimin e një gruaje 23-vjeçare në dhjetor 2022.
Ish-lojtari përballet me një dënim deri në 12 vjet dhe sipas agjencisë EFE, fatin e tij do ta mësojë këtë të enjte, pasi gjyqi të përfundojë në fillim të muajit.
Sipas të njëjtit burim, Daniel Alves është thirrur në seksionin e 21-të të gjykatës, ku pritet të paraqitet mëngjesin e së enjtes, si dhe natyrisht përfaqësuesit e tij të mbrojtjes dhe prokurorisë.
Prokuroria Publike kërkoi dëmshpërblim prej 150 mijë euro për viktimën dhe dënim me 9 vjet për brazilianin, i akuzuar për veprën penale të sulmit seksual për përdhunimin e një 23-vjeçareje në banjën e klubit të natës Sutton, në 30 dhjetor 2022; ndërkohë që akuza private kërkon 12 vjet dhe të njëjtin dëmshpërblim.