Tifogrupi i Përfaqësueses së Kosovës, “Dardanët” kanë paralajmëruar prezencë të madhe në stadiumin e Bazelit, në ndeshjen Zvicër – Kosovë.
Zvicra dhe Kosova do të përballen të shtunën në Bazel, në kuadër të ndeshjes kualifikuese për Kampionatin Evropian 2024.
Tifozeria kosovare kanë premtuar mbështetje maksimale për futbollistët e Kosovës në atë takim.
Ata e kanë konsideruar ndeshje jetike takimin me Zvicrës, andaj me anë të postimit në faqen zyrtare, kanë theksuar se lojtarëve të Kosovës do t’u qëndrojnë pranë.
Postimi i plotë:
Në Basel të shtunën luajmë një ndeshje jetike, pasi matematikisht jemi akoma në garë për t’u kualifikuar. Deri në frymën e fundit duhet të besojmë dhe t’u qëndrojmë pranë lojtarëve tanë. Pasnesër do të jemi të zhurmshëm dhe të shumtë në Zvicër për ta shtyrë kombëtaren tonë drejt një suksesi shumë të dëshiruar. Kemi bërë përgatitjet e duhura në çdo plan që zëri ynë të dëgjohet, por edhe mesazhet tona nuk do të mungojnë. Në besim në vend, në kombëtare dhe në ëndrrën që akoma është aty, edhe pse për ta arritur nuk është lehtë. Derisa jemi aty, në garë, ne duam të besojmë. Tre pikë dhe vetëm tre pikë kundër Zvicrës. Forca Kosovë.