Për shkak të nivelit të dobët të kombëtares belge në Kupën e Botës 2022 në Katar, disa sherre mes shokëve të skuadrës kanë dalë në dritë. Një prej tyre është i Kevin De Bruyne me portierin Thibaut Courtois, të cilët prej vitesh nuk kanë shkëmbyer asnjë fjalë prej një femre, që u bë molla e sherrit mes tyre.
Lojtarët njihen që kur ishin shumë të vegjël dhe në të njëjtën kohë kanë ecur paralelisht edhe në botën e futbollit. Ata u takuan te Chelsea dhe përkuan në të gjitha kombëtaret e moshave të Belgjikës, deri aty ky janë tani. Marrëdhënia e tyre fillimisht ishte shumë e mirë, por u shkatërrua nga një femër.
Gjithçka daton në vitin 2013, kur Caroline Lijnen, partnerja e Kevin në atë kohë, udhëtoi për në Madrid me disa miq për t’u relaksuar. Atje u takua me Courtois, në kohën kur portieri ishte pjesë e Atlético Madrid. E reja qëndroi me portierin, e njihte pasi ishte mik i mesfushorit, por krijoi marrëdhënie dashurore paralele me të.
Që kur Kevin mori vesh për tradhtinë e partneres me shokun dhe shokun e tij të skuadrës, marrëdhënia mes të dyve është pothuajse zero. De Bruyne është shumë i lënduar dhe i zhgënjyer nga tradhtia e Thibaut Courtois.